hefur starfað við tónlist frá unglingsárum. Tónlistarmenntunin var í fyrstu sjálfsnám á rafbassa með tilheyrandi spilamennsku, en síðar stundaði hann klassískt tónlistarnám við Tónskóla Sigursveins D. Kristinssonar, á fiðlu, píanó og kontrabassa. Árið 1983 hóf hann framhaldsnám í kontrabassaleik hjá Prof. Thorvald Fredin í Stokkhólmi auk þess að stunda nám við Tónlistarkennaraháskólann í Stokkhólmi (SMI – Stockholms musikpedagogiska institut) og lauk þaðan prófi árið 1987. Jón hefur allt frá því hann flutti heim frá Svíþjóð árið 1990 verið mjög virkur í íslensku tónlistarlífi og leikið jöfnum höndum hina ýmsu tónlistarstíla; jazz, blús, rokk og klassík, - hann er eftirsóttur bassaleikari og hefur leikið inn á fjölda geisladiska og starfar einnig sem tónlistarkennari.

hóf píanónám 5 ára gamall og hefur haft atvinnu af tónlist frá því hann var í menntaskóla, bæði sem hljóðfæraleikari og tónsmiður. Hann er einn eftirsóttasti tónlistar- , hljómsveitar- og upptökustjóri landsins og hefur m.a. unnið með Björk að hennar verkefnum. Hann var lykilmaður á geisladiski Helenu Eyjólfsdóttur sem kom út árið 2016 sem og á „Happy hour með Ragga Bjarna og Karl Orgeltríó“ sem kom út árið 2017. Karl var tónlistarstjóri og aðalútsetjari fyrir jólaverkefnið Frostrósir í mörg ár og vann þar með öllum helstu söngvurum Íslands, en einnig þekktum erlendum söngvurum eins og Petulu Clark og Sissel Kirkebö. Árið 2018 kom út hans fyrsta sóló jazz-plata, „Mitt bláa hjarta“ og fyrir hana hlaut Karl íslensku tónlistarverðlaunin í tveimur flokkum í jazztónlist; plata ársins og lagahöfundur ársins. Mitt bláa hjarta kom út í þrem mismunandi formum; sem geisladiskur, LP-plata og 14 laga nótna- og textabók. Karl hefur síðustu ár unnið mikið í leikhúsum sem tónlistarstjóri/hljóðfæraleikari, m.a.í sýningu Þjóðleikhússins á „Einræðisherranum“ eftir Charlie Chaplin og nú sem stendur í „Kardemommubænum“ sem sýndur er í Þjóðleikhúsinu.

fékk sína fyrstu sneriltrommu 4 ára gamall og eftir það var ekki aftur snúið. Hann lék á unglingsárum með ýmsum hljómsveitum á sínum heimaslóðum austur á fjörðum en hefur síðustu 20 ár verið einn eftirsóttasti trommuleikari landsins, hvort sem er til spilamennsku á tónleikum eða hljóðritunar. Kristinn stundaði tónlistarnám við Vasaskólann í Gävle (The Vasa Music Institut) og við Skurup Folkhögskola (The Skurup High School of Music) í Svíþjóð. Hann flutti heim til Íslands aftur árið 2000 og hefur frá því verið mjög virkur í íslensku tónlistarlífi. Hann var einn af stofnendum hljómsveitarinnar Hjálma, er trommuleikari Baggalúts og lék um tíma með Barða Jóhannssyni/Bang Gang, John Grant Band og Ásgeir Trausta víða um heim.